Il traffic betg motorisà è il traffic a pe u sin rodas u rollas che vegnan messas en moviment cun la forza dals musculs umans. Sco post chantunal spezialisà promova l'Uffizi da construcziun bassa dal Grischun ils interess dal traffic betg motorisà, en spezial ils secturs viandar, ir cun velo ed ir cun mountainbike.

Nossas incumbensas

Nus coordinain la planisaziun, la construcziun e la signalisaziun da stabiliments dal traffic betg motorisà ch'èn d'in interess chantunal. Latiers tutgan principalmain l'entira rait da vias e sendas da viandar dal Grischun, las vias da velo e da mountainbike ch'èn signalisadas da SvizraMobila sco er vias da velo ch'èn impurtantas per il traffic da velo quotidian tenor il Plan sectorial Velo. Cun la participaziun da las vischnancas e da las regiuns determinain nus las raits da vias. Projects da construcziun sustegnain nus cun contribuziuns tenor las prescripziuns legalas. En cas da conflicts cun autras infrastructuras represchentain nus ils interess dal traffic betg motorisà.

Persunas da referenza

Per Vossas dumondas, propostas e reacziuns stain nus gugent er vinavant a Vossa disposiziun.