Il Cussegl federal vul schluccar las restricziuns d'entrar en Svizra ch'èn vegnidas decretadas pervia dal coronavirus pass per pass e parallelamain a las etappas da l'avertura da l'economia. A partir dals 11 da matg duain en emprima lingia vegnir elavuradas las dumondas che persunas cun activitad da gudogn dal territori da la UE/AECL e da terzs stadis avevan inoltrà avant ils 25 da mars (liquidaziun da las pendenzas). A partir da questa data duain burgaisas e burgais svizzers e da la UE ultra da quai survegnir la pussaivladad da puspè reunir la famiglia en Svizra. Las controllas da cunfin però restan. Il Cussegl federal ha incumbensà il Departament federal da giustia e polizia (DFGP) da preparar questas mesiras da schluccament.

Ganze Medienmitteilung lesen (Deutsch)