Al 16.11.2022 ha il Cussegl federal decidì d'applitgar la clausula da ventil ch'è previsa en la Cunvegna davart la libra circulaziun da persunas, e quai per las forzas da lavur da la Croazia.

La communicaziun a las medias dal Cussegl federal stat a disposiziun sut il suandant link:

Personenfreizügigkeit: Der Bundesrat aktiviert die Schutzklausel gegenüber Kroatien

Quai vul dir ch'i vegnan a valair, a partir dal 1. da schaner 2023, danovamain dumbers maximals per las permissiuns per las burgaisas ed ils burgais da la Croazia che vulan cumenzar cun in'activitad da gudogn en Svizra. Durant in onn na pon las burgaisas ed ils burgais da la Croazia betg pli giudair la cumplaina libra circulaziun da persunas.

Questa mesira pertutga tant permissiuns da dimora curta (attest L UE/AECL) sco er permissiuns da dimora (attest B UE/AECL). Ils dumbers maximals per onn vegnan fixads a 1007 permissiuns L ed a 1150 permissiuns B. Ina controlla preliminara da las premissas dal martgà da lavur n'è betg necessaria.