A partir dals 15 da settember 2023 pon las petentas ed ils petents inoltrar las dumondas (formulars A1, A2, B1, B2 sco er ils avis da scadenza da la UE/AECL e da terzs stadis) sin via electronica sur il spurtegl online dal UMDC GR. Il spurtegl online è disponibel per tudestg e per talian.

L'inoltraziun online ha ils suandants avantatgs:

• Las datas pon vegnir elavuradas pli svelt, perquai ch'ellas arrivan directamain tar il UMDC GR.
•  Las dumondas vegnan elavuradas en moda pli speditiva e las petentas ed ils petents survegnan pli baud in resun davart la dumonda ch'è vegnida inoltrada.
•  Suttascripziuns n'èn betg pli necessarias, perquai che nus vegnin a pudair far l'identificaziun a maun da las datas ch'èn vegnidas inditgadas ed a maun da las agiuntas ch'èn vegnidas chargiadas si.
•  La vischnanca responsabla survegn er tut las indicaziuns e tut las agiuntas ed è pia er infurmada davart l'inoltraziun online.
• Las petentas ed ils petents survegnan per e-mail ina conferma che la dumonda è vegnida inoltrada.
• Per e-mail pudain nus far dumondas per indicaziuns pli precisas, sch'i dat intschertezzas.

Il spurtegl online chattais Vus a partir dals 15 da settember 2023 sut il link qua sutvart:

https://www.gr.ch/RM/instituziuns/administraziun/djsg/afm/documentaziun/Einreise_Aufenthalt/Formulars/Seiten/default.aspx

Grazia fitg che Vus sustegnais nossa digitalisaziun.
Uffizi da migraziun e da dretg civil dal Grischun