La metrologia legala ha las suandantas finamiras:

• Indicaziuns da quantitad correctas en il commerzi ed en il traffic commerzial
• Nagina periclitaziun tras mesiraziuns faussas en ils secturs da la sanadad, da l'ambient e da la segirezza publica

La bullaziun dals meds per mesirar che vegnan utilisads en il commerzi sco er la controlla da las indicaziuns da quantitad è chaussa dals chantuns.

L'uffizi chantunal da bullaziun è suttamess a l'uffizi da migraziun e da dretg civil dal Grischun ed ha las suandantas incumbensas:
 

A) La bullaziun da meds da mesiraziun che vegnan utilisads e mess a disposiziun dal commerzi e dal traffic tenor las disposiziuns en la lescha federala davart la metrologia.

La bulladra resp. il bullader è cumpetent per la bullaziun dals suandants instruments da mesiraziun:

• stadairas e pais
• apparats per mesirar svapurs da motors a combustiun
• apparats per mesirar il fim dal diesel
• apparats per mesirar la deflussiun da liquids cun excepziun dad aua (distributurs da benzin, indrizs da mesirar sin vehichels cun tanc, apparats per mesirar il latg)
• mesiras da cuntegn, sco vaschs, e buts
• apparats per mesirar la lunghezza, sco lingeras, bindels da mesirar, cluppas da bullar

B) Execuziun da l'ordinaziun davart las decleraziuns

Tras ina procedura statistica da controlla vegn examinada l'indicaziun da quantitad d'emballadis finids.

C) Surveglianza periodica dals instruments da mesiraziun utilisads (inspecziun posteriura)
 
D) Surveglianza dal martgà

Bul: GR+1

Bullader/uffizi da bullaziun

Uffizi chantunal da verificaziun GR+1

G.O. Michel, Bullader
Lichtensteinweg 16
7000 Cuira

tel. 081 356 03 93 
fax 081 356 03 92
e-mail: eichamt-gr1@bluewin.ch  

Circul da bullaziun

entir chantun Grischun