La midada da domicil è suttamessa al duair d'annunzia. La retratga dal domicil vegl e l'annunzia tar la controlla d'abitants cumpetenta da la vischnanca da domicil ha da succeder entaifer 14 dis.

La controlla d'abitants intimescha la mutaziun necessaria cun il formular "Z1". L'Uffizi da migraziun e da dretg civil dal Grischun elavurescha – sche necessari – ina nova legitimaziun d'esters. Sch'ina nova legitimaziun d'esters è vegnida introducida per ina categoria da permissiun en format da carta da credit, alura chaschuna l'emprima mutaziun da la permissiun d'ina persuna cun ina legitimaziun da palpiri automaticamain in'empustaziun d'ina carta ed in'incumbensa per registrar las datas, independentamain da la mutaziun.

Mutaziuns che ston vegnir annunziadas a l'Uffizi da migraziun e da dretg civil (UMDC) che n'èn dentant betg visiblas sin la permissiun en format da carta da credit, na chaschunan nagina nova emissiun da la legitimaziun. (p.ex. midada d'adressa).

Ulteriuras infurmaziuns survegnis Vus dal Ressort d'entrada, numer da telefon: 081 257 25 25.

Link a la midada d'adressa e da domicil