Il post spezialisà per l’integraziun porscha in coaching individual a persunas cun il status da protecziun S che tschertgan in lavur. Pussaivlas èn maximalmain 10 uras da coaching per persuna, e la purschida è gratuita e facultativa. Ensemen cun in coach vegn la persuna che tschertga lavur sustegnida da fixar ils pass decisivs per chattar ina plazza da lavur adattada en il martgà da lavur svizzer.

Da l’elavuraziun d’in dossier d’annunzia (curs da la vita, brev da motivaziun, attestats da lavur, pussaivladads da renconuschientscha da diploms e.a.) enfin tar la confruntaziun  cun las atgnas cumpetenzas e tar l’elavuraziun d’ina strategia d’annunzia è bunamain tut pussaivel e vegn elavurà communablamain da maniera individuala e tenor basegn. Sche Vus avais interess per nossa purschida, emplenì per plaschair il formular da contact. Nus As contactain uschè spert sco pussaivel per fixar in termin per in emprim discurs. Il discurs vegn manà cun ina translaziun professiunala.

Empleni il formular per plaschair en scrittira latin. Annunzias en scrittira  cirillica na vegnan betg resguardadas. 
Avis: per garantir la cuntanschibladad As supplitgain nus da betg duvrar naginas adressas dad e-mail @ukr.net..

Per dumondas u intschertezzas stain nus gugent a disposiziun.