Register davart las professiuns medicalas (MedReg)
Il MedReg è ina banca da datas ch'è accessibla publicamain e che cuntegna medias e medis, dentistas e dentists, chiropraticras e chiropratichers, apotecras ed apotechers, veterinarias e veterinaris.
Il MedReg infurmescha tranter auter davart:
- permissiuns concedidas per pratitgar ina professiun
- diploms e titels da furmaziun supplementara
- adressas da praticas e numers da telefon
Link: Access al MedReg
Link: Ulteriuras infurmaziuns davart il MedReg
Register davart las professiuns psicologicas (PsiReg)
Il PsiReg è ina banca da datas ch'è accessibla publicamain e che cuntegna psicoterapeutas e psicoterapeuts
Il PsiReg infurmescha tranter auter davart:
- permissiuns concedidas per pratitgar ina professiun
- diploms e titels da furmaziun supplementara
- adressas da praticas e numers da telefon
Link: Access al PsiReg
Link: Ulteriuras infurmaziuns davart il PsiReg
Register davart las professiuns da sanadad (NAREG e SanReg)
Il Register naziunal davart las professiuns da sanadad NAREG è in register activ, basà sin persunas per las professiuns betg universitaras en il sectur da sanadad. El vegn manà da la Crusch Cotschna Svizra CCS per incumbensa da la CDS.
Cun l'introducziun dal nov Register davart las professiuns da sanadad (SanReg) vegnan tschertas datas dal Register naziunal (NAREG) administradas dapi il favrer 2022 en il SanReg. Quai pertutga las professiuns da sanadad tgira, fisioterapia, ergoterapia, spendrera, nutriment e dietetica, optometria sco er osteopatia. Questas professiuns èn ussa regladas sin plaun federal en la Lescha davart las professiuns da sanadad.
Il NAREG resp. il SanReg è ina banca da datas ch'è accessibla publicamain
Il SanReg infurmescha tranter auter davart:
- permissiuns concedidas per pratitgar ina professiun
- diploms e titels da furmaziun supplementara
- adressas da praticas e numers da telefon
Link: Access al NAREG
Link: Access al SanReg
Link: Ulteriuras infurmaziuns davart il NAREG
Link: Ulteriuras infurmaziuns davart il SanReg