En cas d'urgenza stoi ir svelt. N'emporta betg tgi ch'è pertutgà, Vus sezza u sez, ulteriurs confamigliars, uffants u pazientas e pazients – qua chattais Vus ils numers da telefon ed ils contacts ils pli impurtants
En cas d'urgenza
Situaziun d'urgenza, p.ex. en cas d'in privel acut da suicidi u d'in agir privlus senza senn per la realitad d'ina persuna
- 117 - clom d'agid da la polizia
- 144 - clom d'agid sanitar
- 118 - pumpiers
- 145 - tissientadas
- 112 - clom d'agid europeic
Ulteriurs posts da consultaziun impurtants en situaziuns d'urgenza
Cun in plan d'urgenza da Pro Aidants garantis Vus che la tgira ed assistenza vegnia surpigliada senza interrupziun, sche Vus na pudais tuttenina betg pli liquidar sezza u sez questas incumbensas.
Qua chattais Vus plinavant ulteriuras purschidas utilas da sustegn e da distgargia.
Agid en cas da surchargia
Prendai serius Vossa atgna sanadad! Sch'i dat indizis da problems da sanadad, contactai Vossa media u Voss medi. Per distgargia, pausa e regeneraziun datti differentas purschidas. Faschai diever da quellas. Pertge che sche Vus mancais, perquai che Vus sezza u sez vegnis malsauna u malsaun, na gida quai nagin.
Indizis che Vus stuessas en mintga cas prender serius:
- sentiments d'esser surdumandà ed insomnia
- pegiurament da malsognas e mals ch'eran fin ussa supportabels
- decuraschament, depressiun, gnervusada
- mancanza d'appetit u difficultad da mangiar saun
- problems dal dies u dolurs en las chommas
Sche Vus n'essas betg segira u segir en tge punct che Vus essas arrivada u arrivà, faschai in inventari da Vossas grevezzas.
Qua chattais Vus tips che As gidan vinavant en cas da surchargia da la plattafurma work&care.
Plinavant ina broschura utila da palliative GR per confamigliars da persunas grevamain malsaunas.