Campagna da sensibilisaziun davart il tema «Moviment e prevenziun da cupitgas»
Il Post spezialisà per la promoziun da la sanadad rinforza la campagna naziunala sichergehen.ch en il Grischun e sa drizza a la populaziun sco er a las persunas ed organisaziuns spezialisadas.
Il material da la campagna naziunala survegn in layout chantunal. La campagna mediala vegn promovida cun inserats ed artitgels da mussavia en las medias stampadas chantunalas e regiunalas e sin social media. En ils autos da posta ed en las filialas da posta vegnan mussads videos da reclama.
Las persunas ed organisaziuns spezialisadas vegnan adressadas ed infurmadas individualmain u sur federaziuns professiunalas davart la campagna ed han la pussaivladad d'empustar gratuitamain broschuras, flyers e placats per lur clientella.
Gruppa/s en mira
Senioras grischunas e seniors grischuns sco er persunas spezialisadas (ergoterapia, fisioterapia, terapia d'activaziun, Spitex, persunas responsablas per la tgira, apotecas, posts da coordinaziun per la vegliadetgna)
Cuntegns da la purschida
Las senioras grischunas ed ils seniors grischuns vegnan sensibilisads en il spazi public per ils temas moviment e prevenziun da cupitgas.
Las senioras grischunas ed ils seniors grischuns profiteschan da las purschidas da curs en las regiuns.
Las persunas ed organisaziuns spezialisadas distribueschan e discutan il material da la campagna cun la gruppa en mira.
Links