Promoziun da la sanadad en gruppas da gieu
Tras furmaziuns supplementaras ed inscunters da barat gratuitas en il rom dal project vegnan las manadras ed ils manaders da las gruppas da gieu sensibilisads per temas che promovan la sanadad.
Promoziun dal moviment: Gruppas da gieu en moviment s'engaschan per pussaivladads da sa mover multifaras al liber ed en las localitads. Quai rinforza il sentiment corporal dals uffants.
Laschar experimentar in nutriment saun: Las manadras ed ils manaders da gruppas da gieu dattan paisa a marendas saunas e pledentan activamain ils geniturs davart quest tema.
Rinforzar las resursas: Las manadras ed ils manaders da gruppas da gieu promovan conscientamain ils uffants en lur resursas cun in effect per la sanadad e rinforzan per exempel lur autoefficacitad, lur controlla d'impuls u lur abilitad da schliar problems.
Gruppa/s en mira
Manadras e manaders da gruppas da gieu en il chantun Grischun
Finamiras dal project
Las manadras ed ils manaders da las gruppas da gieu vegnan sensibilisads per ils temas moviment, nutriment e sanadad psichica. Els applitgeschan las enconuschientschas durant las uras en las gruppas da gieu.
Ils uffants profitan da pussaivladads da sa mover multifaras e vegnan rinforzads en lur resursas, uschia ch'els pon sa sviluppar il meglier pussaivel en la gruppa da gieu.
Cuntegns da la purschida
- Finanziaziun da furmaziuns supplementaras e d'inscunters da barat en las regiuns Engiadina/Grischun dal Sid e Grischun dal nord/Grischun central tras il Post spezialisà per la promoziun da la sanadad
- Broschuras e fegls d'infurmaziun gratuits
- Sch'il preventiv è grond avunda: metter a disposiziun pitschens regals per ils uffants
Il project vegn realisà en collavuraziun cun il Post spezialisà e da contact (PSC) per gruppas da gieu dal Grischun e cun il PSG dal Grischun dal sid. Per incumbensa dal Post spezialisà per la promoziun da la sanadad organiseschan ils PSC mintg'onn pliras furmaziuns supplementaras ed inscunters da barat.
Cundiziuns generalas
- Tut las persunas che lavuran en la gruppa da gieu suttascrivan in commitment davart las finamiras dal project
- Participaziun ad almain in'occurrenza per onn (furmaziun supplementara e/u barat)
- Motivaziun per realisar en la gruppa da gieu ils novs inputs da la furmaziun supplementara e dal barat