Il program per la prevenziun da dependenzas per il stgalim superiur
Per sustegnair las persunas d'instrucziun vegn elavurà material d'instrucziun actual e gratuit. Ils moduls da quel pon vegnir integrads en l'instrucziun, quai en moda simpla e tenor ils basegns da la classa e da la persuna d'instrucziun. Tut ils moduls d'instrucziun èn concepids tenor las cumpetenzas. Quai promova il diever confurm al plan d'instrucziun da la scola populara. La concepziun dal material d'instrucziun promova la confruntaziun activa e critica cun in cumportament da ristga e da dependenza e rinforza la cumpetenza da reflectar, la cumpetenza sociala ed er l'autocumpetenza da las scolaras e dals scolars.
Las agendas befreelance per las scolaras ed ils scolars dals stgalims superiurs pon ins empustar mintgamai il mars tar il post spezialisà.
Gruppa/s en mira
Persunas d'instrucziun dal ciclus 3, scolaras e scolars dal ciclus 3
Finamiras dal project
Metter a disposiziun meds simpels ed efficazis per persunas d'instrucziun per als integrar en l'instrucziun e per realisar ina prevenziun da dependenza.
Metter a disposiziun ina plattafurma online per persunas d'instrucziun e per lavureras e lavurers socials da scola cun tut ils moduls d'instrucziun e cun ulteriurs meds auxiliars.
Spediziun annuala da l'agenda befreelance a scolaras ed a scolars.
Cuntegns da la purschida
- Material d'instrucziun per persunas d'instrucziun davart ils temas alcohol, tubac, cannabis e medias digitalas
- Agendas gratuitas per scolaras e scolars
- Mintga 3 onns ina gronda concurrenza
- Furmaziuns supplementaras per persunas d'instrucziun davart befreelance
Cundiziuns generalas
- Scola d'ina vischnanca grischuna
Downloads
Links