Qua chattais Vus projects e purschidas dal sectur spezial Scolas.

befreelance

Il program da prevenziun per il ciclus 3 davart ils temas tubac-alcohol-cannabis e medias digitalas. Unitads d'instrucziun simplas ed en moduls, adattadas al Plan d'instrucziun 21. Las agendas enconuschentas pon vegnir empustadas mintgamai il mars tar il Post spezialisà per la promoziun da la sanadad.

Cliccai qua, per vegnir a savair dapli davart il project ...

Cussegliaziun per concepir plazzas da pausa

Il Post spezialisà per la promoziun da la sanadad gida las scolas e las scolinas en il Grischun a concepir las plazzas da pausa uschia, ch'ellas promovan il moviment. Ultra d'ina participaziun finanziala porscha il Post spezialisà per la promoziun da la sanadad er ina cussegliaziun en quest process.

Cliccai qua per dapli infurmaziuns davart il project ...

Scola en moviment – Per dapli moviment ed ina cultura da mangiar sauna en il mintgadi da scola

«Scola en moviment» porscha mesiras e materialias adattadas per promover il moviment e marendas saunas en il mintgadi da scola. La scola tegna quint dal basegn da sa mover da l'uffant e las persunas d'instrucziun resguardan sapientivamain quest basegn per l'emprender.

Cliccai qua, per vegnir a savair dapli davart il project ...

Fourchette verte

Fourchette verte è ina purschida da cussegliaziun per canortas d'uffants cumplementaras a la famiglia, per maisas da mezdi da scola e per chasas da persunas attempadas e da tgira. A la fin dal process da cussegliaziun stat la distincziun cun il label «Fourchette verte» ch'è renconuschì en tut la Svizra.

Cliccai qua, per vegnir a savair dapli davart il project ...

gr.feel-ok.ch

gr.feel-ok.ch sustegna ils giuvenils, ils geniturs e las persunas spezialisadas en dumondas da la sanadad e dal svilup. La plattafurma porscha infurmaziuns bain chapiblas, instruments pratics e material didactic.

Cliccai qua, per vegnir a savair dapli davart il project ...

MindMatters – Rinforzar la scola tras sanadad psichica

MindMatters porscha moduls che pon vegnir applitgads en l'instrucziun ed en il svilup da la scola. Il program promova il discurrer davart sentiments, la participaziun, l'attenziun e l'amicizia cun persunas da la medema vegliadetgna. Uschia rinforza el la colliaziun cun la classa e cun la scola.

Cliccai qua, per vegnir a savair dapli davart il project ...

Contribuziuns a projects

Il post spezialisà per la promoziun da la sanadad sustegna scolas tar la realisaziun da programs che promovan la sanadad e che han in concept che pertutga l’entira scola. El intermediescha persunas spezialisadas e renviescha a materialias d’instrucziun praticas ed inspirantas. Las scolas survegnan era sustegn finanzial tar projects concepids da maniera individuala cun ina dumonda per ina contribuziun al project.

Cliccai qua, per vegnir a savair dapli davart il project ..

Scolina cupitgarola

Cun meds simpels e damanaivels a la pratica procura Cupitgarola en l’entira Svizra per dapli moviment e nutriment saun en scolina. Domadus elements èn centrals per il svilup saun da corp ed olma.

Cliccai qua, per vegnir a savair dapli ...

La scola agescha – prevenziun da stress al lieu da lavur

Ina purschida per rinforzar la sanadad da las persunas d'instrucziun, da las direcziuns da scola e d'ulteriuras collavuraturas e collavuraturs d'ina scola.

Cliccai qua, per vegnir a savair dapli davart il project ...

Standup – Iniziativa cunter mobing

Il project #standup gida ad introducir mesiras ed instruments, per ch'il mobing n'haja nagina schanza en Vossa scola. La finamira è tranter auter quella d'elavurar in mussavia per constatar a temp mobing e per intervegnir ad ura.

Cliccai qua, per vegnir a savair dapli davart il project ...