Constataziun ed intervenziun a temp en vischnancas

La vischnanca u la regiun è in lieu central per il svilup dals uffants e dals giuvenils. Pervia da las midadas socialas, politicas ed economicas sa midan permanentamain er las cundiziuns da crescher si dals giuvenils. La dumonda daventa uschia pli cumplexa. En in gremi da barat organisà vegni discutà, tge cundiziuns generalas che promovan il svilup dals uffants e giuvenils en las vischnancas, co ch'ellas pussibiliteschan saunas schanzas da svilup e co che l'utilisaziun dal spazi public duai esser organisada.

Gruppa/s en mira

Vischnancas cun structuras che promovan la giuventetgna

Finamiras dal project

Sviluppar ina chapientscha cuminaivla per la prevenziun e per la constataziun a temp en la vischnanca u la regiun.

Meglierar l'attenziun da persunas decisivas envers ils basegns dals giuvenils ed envers las ristgas che sa mussan e rinforzar lur cumpetenzas d'ir enturn cun persunas.

Rinforzar la participaziun da giuvenils.

Cuntegns da la purschida

La «Rait da giuventetgna» è in gremi da barat organisà sin plaun communal u regiunal e che vegn purtà da la vischnanca u da la regiun. La vischnanca u la regiun survegn in accumpagnament professiunal per installar e per francar la «Rait da giuventetgna». Il barat vegn organisà regularmain (almain 2x per onn) e cun las medemas persunas decisivas dals secturs politica, administraziun, scola, temp liber, segirezza e.u.v. Ina persuna spezialisada communala u regiunala cun cumpetenzas en il sectur da la promoziun da la sanadad e da la prevenziun coordinescha e maina la «Rait da giuventetgna» al lieu.

La vischnanca u la regiun survegn in accumpagnament professiunal per installar e per francar la «Rait da giuventetgna».

Cundiziuns generalas

• Structuras che promovan la giuventetgna, sco lavur sociala da scola, lavur cun giuvenils u in concept per promover giuvenils (inclusiv plan da mesiras) ston esser avant maun
• Ils giuvenils ston sa sentir represchentads tras ina commembra u in commember da la «Rait da giuventetgna»
• Las commembras ed ils commembers da la «Rait da giuventetgna» sa scuntran almain 2 x 2 uras per onn