Prevenziun e promoziun da la sanadad en federaziuns grischunas da giuvenils
Voila Grischun è in project per la promoziun da la sanadad e per la prevenziun da dependenzas en las federaziuns grischunas da giuvenils. La finamira principala è, che las manadras ed ils manaders da federaziuns da giuvenils s'engaschian activamain per la prevenziun da dependenzas e per la promoziun da la sanadad e ch'ellas ed els possian utilisar concepts d'intervenziun e da prevenziun per la lavur cun ils giuvenils. Il project cumpiglia in modul da furmaziun supplementara per manadras e manaders da federaziuns grischunas da giuvenils, blocs tematics definids per champs e per occurrenzas da las federaziuns da giuvenils sco er in sustegn finanzial.
Realisà vegn il project da Jugend.gr per incumbensa dal Post spezialisà per la promoziun da la sanadad.
Gruppa/s en mira
Manadras e manaders da federaziuns da giuvenils, giuvenils en federaziuns da giuvenils
Finamiras dal project
Francaziun da la promoziun da la sanadad e da la prevenziun da dependenzas en las federaziuns da giuvenils
Scolaziun e furmaziun supplementara da manadras e manaders en ils secturs da la promoziun da la sanadad e da la prevenziun
Cuntegns da la purschida
- Cofinanziaziun da projects da Voila sco champs, curs da scolaziun, occurrenzas da team e.a.
Cundiziuns generalas
- Federaziun da giuvenils dal Grischun (Battasendas, Cevi, Jubla e.u.v.)
- La frequentaziun dal curs da Voila (correspunda al modul da furmaziun supplementara da G+S «Prevenziun da dependenzas en la federaziun da giuvenils» e prolunghescha quel)
Links