Gia per la 6avla giada han lieu ils dis d’acziun per la sanadad psichica en il chantun Grischun.

Il chalender d’occurrenzas multifar porscha insatge per tuttas e tuts. Profitai da l’occasiun da s’occupar cun temas impurtants sco per exempel la superaziun da crisas, in maletg dal corp saun, levgiaments en il mintgadi, la disponibilitad permanenta u la demenza en famiglia. Vus survegnis bleras infurmaziuns ed impuls per promover Vossa sanadad psichica e quella das Voss conumans.

In cordial grazia fitg va als partenaris/purtaders da las occurrenzas che s’occupan dapi onns cun grond engaschi da la sanadad psichica da nus Grischunas e Grischuns.

Nus ans legrain dad entupar Vus ad ina da nossas 24 occurrenzas.