Per che noss corp possia funcziunar dovra el energia. Sco funtauna d’energia serva il nutriment. El furnescha tut las substanzas necessarias che nus duvrain per ina vita sauna. Mangiar e baiver cun gust e da maniera equilibrada fa perquai part da nossa vita.

In nutriment equilibrà munta:

• Mangiai blera verdura e fritga (5 al di);
• Mangiai agiuntas sco tartuffels, pasta, lentiglias, bulgur euv. enfin che Vus essas sadulads;
• Preferi products da graun integral;
• Chaschiel, products da latg, charn, pesch ed ovs dovri mo pauc;
• Bavai aua (da la spina), almain 6 magiels al di.

Ulteriurs tips co ch’in plat optimal duess esser survegnis Vus sin la pagina web da la Societad svizra da nutriment SGE (tudestg). Forsa As gusta era in dals recepts adattads?