Qua chattas ti infurmaziuns per purschidas da cussegliaziun, links per campagnas e tips concrets per moviment, nutriment, sanadad psichica e prevenziun da dependenza.

Nus recumandain las suandantas plattafurmas d’infurmaziun:

gr.feel-ok.ch – la plattafurma d’infurmaziun per giuvenils

gr.feel-ok.ch è ina plattafurma per giuvenils e lur geniturs. Ella porscha cuntegns fidabels e tools captivants, tests e gieus davart temas specifics per la giuventetgna.

Agid da tuttas uras: 147.ch e hotline 147

Cuntegns prezius, cussegliaziun ed agid da tuttas uras. Davart tut ils temas cha san occupar ils giuvenils.

Recumandaziuns per moviment cun effect per la sanadad

Moviment è impurtant per in svilup positiv dals uffants e giuvenils. Il basegn natiral da sa mover dad uffants sto vegnir sustegnì e promovì vinavant. Temp en posiziun da seser u davant il monitur ha consequenzas negativas per la sanadad e duess vegnir evità tant sco pussaivel. Tar il moviment vala: dapli è dapli: cun activitads variadas da sport e da moviment duain vegnir rinforzadas la cundiziun, la forza, l’inschign e la movibladad.

Tips ed inspiraziuns per integrar moviment en il mintgadi chattais Vus en il Booklet da hepa.ch (tudestg)

Nutriment saun

Mangiar ensemen a maisa en in’atmosfera lucca è tuttina impurtant sco ina elecziun variada da vivondas e l’experientscha variada cun gusts. Ils messadis clav per in cumportament da sa nutrir da maniera equilibrada è fixada en la rudella da nutriment svizra:

• baiver aua
• mangiar verdura fritga
• mangiar regularmain
• mangiar da maniera variada
• giudair cun tut ils senns

Ulteriuras infurmaziuns per in nutriment saun per uffants survegnis vus da la Societad svizra da nutriment (SSN) (tudestg)