Per che uffants pitschens sa sviluppian da maniera sauna e tenor lur potenzial, èn els dependents a partir da la naschientscha d’in conturn amuraivel e stimulant. In crescher saun po vegnir promovì e sustegnì da las persunas responsablas per l’educaziun.
Cussegliaziun da geniturs - Per geniturs d’uffants tranter 0 –5 onns
gr.feel-ok.ch (tudestg) - la plattafurma d’infurmaziun per giuvenils e geniturs
Recumandaziuns per moviment effizient per la sanadad
Moviment regular e sport èn essenzials per il bainstar e la sanadad, independent da la fasa da vita. Qua chattais Vus recumandaziuns examinadas dad expert(a)s:
Gravidanza/naschientscha (gesundheitsfoerderung.ch, tudestg)
Uffants en la vegliadetgna prescolara (gesundheitsfoerderung.ch, tudestg)
Nutriment saun
Pasts regulars ed equilibrads e marendas saunas sustegnan il svilup corporal e spiertal da l’uffant. Ina marenda adattada procura per il provediment da substanzas nutritivas e gida da recepir nova energia. Dai adatg che Voss uffant baivia avunda aua. Uschia sa el sa concentrar meglier ed è pli pauc stanchel.
Scuvrì la varietad da fritga e verdura adattadas per la marenda sin noss flyer da marenda.
Rinforzar la psica dad uffants pitschens
Geniturs giavischan che lur uffant sa sviluppia da maniera sauna: ch’el crescha, emprenda, mussa sentiments, ha curaschi e scuvra il mund. Il bainstar psichic da l’olma è ina premissa da basa per quai.
Per in svilup psichic saun dovra l’uffant oravant tut ina chaussa: almain ina persuna da referiment fidada cun la quala el sa sviluppar ina relaziun emoziunala positiva. Tips concrets co che questas persunas da referiment san rinforzar e sustegnair l’uffant chattais Vus qua. (gesundheitsfoerderung.ch, tudestg)
Parentu – l’app per geniturs infurmads
L’app parentu infurmescha geniturs cun uffants tranter 0 e 16 onns en 15 linguas davart temas da l’educaziun, furmaziun e sanadad. Ina biblioteca
voluminusa porscha als geniturs cuntegns spezialisads verifitgads ch’èn adina disponibels. Regularmain vegnan tramess texts curts, maletgs, films ed audiofiles adattads a la vegliadetgna dals uffants. L’app è gratuita e senza reclama.
Shop: empustaziun flyer
Download flyer
Download App