En il sectur da la giuventetgna e dal temp liber san ins cuntanscher bain umans giuvens sin nivel persunal ed als promover tar il svilup da las cumpetenzas da viver. Persunas spezialisadas san sustegnair giuvenils cun prender temp per ils giavischs dals umans giuvens cun tadlar tge ch’els din, cun als prender serius sco era cun conuscher purschidas correspundentas en la vischnanca/regiun e cun savair recumandar material d’infurmaziun adattà.

Nus recumandain las suandantas plattafurmas d’infurmaziun:

gr.feel-ok.ch (tudestg) è in program d’intervenziun basà sin l’internet per giuvenils e lur persunas da referiment. El porscha cuntegns cumplessivs per ils giuvenils sezs, lur geniturs e persunas d’instrucziun, l(a)vurer(a)s socialas en scola e persunas che prestan lavur da giuvenils davart differents temas che pertutgan la promoziun da la sanadad, la prevenziun ed il bainstar. gr.feel-ok.ch (tudestg) vegn realisà da la fundaziun da sanadad svizra RADIX (tudestg). L’utilisaziun è gratuita e libra da publicitad commerziala.

Co vai cun Tai?

Register online «find-help GR»

Purschidas chantunalas per giuvenils en il temp liber vegnan offertas da differents acturs en las vischnancas.