In nutriment equilibrà ed adattà a la vegliadetgna è impurtant per il svilup saun dals uffants. Il chantun sustegna canortas che laschan analisar lur purschida da nutriment e vulessan optimar quella: ina persuna spezialisada per nutriment cusseglia e porscha agid tar la cumposiziun dals plans dals menus u tar la communicaziun e coordinaziun cun furniturs da pasts externs. Plinavant porscha ella in perfecziunament cun tut las persunas emploiadas e cusseglia la canorta davart temas sco furmas da nutriment spezialas ed il tractament d’allergias. L’accumpagnament da la persuna spezialisada per nutriment dura tut tenor canorta 1 fin 1.5 onns e vegn terminà cun ina distincziun. Suenter dus onns po il manaschi laschar renovar la distincziun.