Pretensiuns per spazis e per stabiliments al liber (program da spazi directiv) / glista da controlla per la procedura d'approvaziun per edifizis tenor la Lescha per promover la tgira da persunas malsaunas / LTM (art. 31 alinea 1 e 3 LTM)
Ils programs da spazi directivs cun pretensiuns per spazis e per stabiliments al liber / per il sectur extern enumereschan quels spazis – inclusiv dimensiuns ed indicaziuns da la funcziun – che ston vegnir integrads en in program da spazi.
Cun eruir ils basegns da spazi e cun determinar las grondezzas dals spazis poi vegnir tegnì quint da las relaziuns spezialas areguard il lieu ed areguard il manaschi. En cas da midadas da construcziun e d'ina locaziun d'abitaziuns per manar gruppas da tgira na vala betg en mintga cas la medema scala sco tar in edifizi nov; i po vegnir resguardà la substanza architectonica existenta e la purschida da spazis avant maun. Las dimensiuns minimalas inditgadas per las surfatschas utilisadas ston vegnir resguardas stringentamain tar edifizis novs, tar edifizis annexs e tar engrondiments sco er tar midadas da construcziun cumplessivas da chasas da persunas attempadas e da tgira sco er tar la construcziun d'ina nova abitaziun per manar ina gruppa da tgira.
En cas da dumondas per contribuziuns d'investiziun chantunalas tenor l'art. 31 da la Lescha per promover la tgira da persunas malsaunas, ch'è vegnida revedida per il 1. da schaner 2018, sto il program da spazi elavurà vegnir preschentà al Departament da giustia, segirezza e sanadad per l'approvaziun avant il cumenzament da projectaziun. En quest connex sto vegnir resguardada ed observada la glista da controlla per la procedura d'approvaziun d'edifizis tenor la Lescha per promover la tgira da persunas malsaunas (fasa l, basas / program da spazi).
Glista da controlla per edifizis tenor la Lescha per promover la tgira da persunas malsaunas
Program da spazi directiv per las chasas da persunas attempadas e da tgira (tudestg)
Program da spezi directiv per las staziuns da demenza en chasas da persunas attempadas e da tgira (tudestg)
Program da spazi per gruppas da tgira (tudestg)