L'Uffizi da sanadad po vegnir dumandà da conceder sustegn finanzial. Sustegnidas vegnan en quest connex organisaziuns d'utilitad publica che rinforzan la promoziun da la sanadad e la prevenziun u l'agid a persunas attempadas en il chantun Grischun e che sa cunfan cun la strategia dals fatgs chantunals da sanadad.

A norma dals meds finanzials che stattan a disposiziun po il chantun conceder contribuziuns ad organisaziuns per prestaziuns impurtantas en la promoziun da la sanadad ed en la prevenziun (DG 500.000, art. 7 al. 2c) e per la promoziun da l'agid a persunas attempadas (DG 506.000 art. 2 ed art. 36).

Il dretg da survegnir contribuziuns han las organisaziuns, da las qualas ils servetschs sa cunfan cun la strategia dal chantun e che adempleschan ils criteris da giudicament enumerads qua sutvart.