Cun l'intent da proteger las nunfimadras ed ils nunfimaders cunter il fimar passiv è vegnì introducì en il chantun Grischun per il 1. da mars 2008 in scumond da fimar en localitads serradas accessiblas al public sco er a l'intern ed a l'extern d'areals da scola e d'implants da sport da scola.

Il 1. da matg 2010 èn entradas en vigur per l'entira Svizra la lescha federala davart la protecziun cunter il fimar passiv e l'ordinaziun respectiva dal cussegl federal. La legislaziun federala fixescha disposiziuns minimalas davart la protecziun cunter il fimar passiv e dat als chantuns explicitamain la pussaivladad da relaschar regulaziuns pli severas.

Ils 2 da settember 2016 ha il cussegl grond deliberà la revisiun totala da la lescha da sanadad dal chantun Grischun e relaschà il suandant artitgel per la protecziun da las nunfimadras e dals nunfimaders (Art. 9). Quai è decisiv cumplementarmain a la Lescha federala davart la protecziun cunter il fimar passiv ed a l'ordinaziun respectiva.

Lescha da sanadad dal chantun Grischun
Lescha federala davart la protecziun cunter il fimar passiv
Ordinaziun davart la protecziun cunter il fimar passiv