Malsognas transmissiblas (malsognas infectusas) pericliteschan la sanadad publica. L’Uffizi da sanadad dal Grischun surveglia questas malsognas, determinescha strategias da prevenziun e da controlla e realisescha quellas.
Tuss chanina / pertussis
La tuss chanina (pertussis) è ina malsogna infectusa bacteriala (agent patogen: bordetella pertussis / parapertussis), che sa mussa cun sintoms tipics sco attatgas da tuss e difficultads da respirar. Ils sintoms sa sviluppan durant 1–2 emnas e pon durar fin a 3 mais. La malsogna cumenza cun sintoms nunspecifics d'in dafraid. Suenter 1–2 emnas cumenzan las tipicas attatgas da tuss che pon durar fin a 6 emnas. Suenter var 6 emnas svaneschan las attatgas da tuss plaun a plaun. La tuss chanina vegn tractada cun antibiotica e passa per regla senza cumplicaziuns.
Las attatgas da tuss sa mussan tipicamain sco tussidas en seria (tuss da staccato), suandadas d'ina respiraziun buffanta u givlonta (‹whooping cough›), savens la notg, accumpagnadas d'ina gronda producziun da mucosa viscusa che vegn tussida siadora e vomitada (en consequenza da la ferma tuss). Per regla na sa sviluppa nagina fevra.
Cunter la tuss chanina exista ina vaccinaziun. La vaccinaziun cunter la tuss chanina è in'uschenumnada vaccinaziun da basa tenor il Plan da vaccinaziun svizzer. Ella vegn recumandada per pops en l'emprim onn da vita e suenter mintga 10 onns.
Tuss chanina / pertussis (tudestg)
Il coronavirus
Covid-19 ist eine Infektionskrankheit, die durch das Coronavirus SARS-CoV-2 ausgelöst wird. Die meisten Menschen haben milde bis moderate Symptome und erholen sich innerhalb von einigen Tagen. Einige Menschen erkranken schwer und benötigen eine Behandlung im Spital.
Gegen COVID-19 ist eine Impfung verfügbar. Diese ist für Personen < 65 Jahre und Personen mit Risikofaktoren für einen schweren Verlauf empfohlen. Die Impfung erhalten Sie bei Ihrem Arzt / Ihrer Ärztin und in der Apotheke.
Ausführliche Informationen zu Covid-19 sowie die Impfempfehlung finden Sie auf der Web Seite des Bundes (BAG): Covid-19 (admin.ch)ttps://www.bag.admin.ch/bag/de/home/krankheiten/krankheiten-im-ueberblick/coronavirus/covid-19.html
Mpox
Mpox è ina malsogna da virus rara che vegn transmessa a l’uman dad animals, oravant tut d’animals ruiders. L’entschatta da matg 2022 han ins constatà in augment nunusità da las infecziuns cun la virola da schimgias en Europa ed en l’America dal Nord. La transmissiun è probablamain succedida dad uman ad uman. Tenor las enconuschientschas actualas na ston ins betg far quint cun in privel per la populaziun.
La vaccinaziun encunter Mpox po vegnir fatga en la Partiziun per infecziologia ed igiena da spital dal Ospital chantunal dal Grischun.
Ulteriuras infurmaziuns