Actual

Cugliunaria per telefon – Tge è in telefonat da schoc?

In telefonat da schoc è ina furma spezialmain agressiva da cugliunarias per telefon che sa derasa pli e pli ferm. Tar in telefonat da schoc survegnis Vus in telefon e vegnis confruntada u confruntà cun ina novitad inventada che tuna dentant credibla e che duai schoccar Vus: Il pli savens vegn pretendì ch'in confamigliar saja en ina situaziun d'urgenza u en grond privel. Il medem mument vegn pretendì che Vus possias mitigiar la situaziun d'urgenza resp. impedir il grond privel cun surdar – uschè svelt sco pussaivel! – daners u objects da valur ad ina curriera u in currier. Cunquai che Vus na pudais pervi dal schoc betg pensar a moda raziunala e vulais natiralmain gidar Voss confamigliar e vegnis mess u messa sut squitsch, èsi fitg probabel che Vus ademplis la pretensiun e realisais pir pli tard ch'ins ha cugliunà Vus.

Dapli dal tema "cugliunaria per telefon": Pagina-web da la Prevenziun svizra da la criminalitad (SKPPSC)

Campagna «Has serrà?»

La Polizia chantunala dal Grischun e la Polizia da la citad da Cuira han lantschà la stad 2023 cuminaivlamain la campagna «Has serrà?». Quella duai sensibilisar la populaziun da proteger endretg ils objects da valur. Ultra da quai fa ella er attent consequentamain da serrar l'isch-chasa, ma era vehichels.

Project da polizia communabel

Ils champs da lavur da la Polizia da la citad e da la Polizia chantunala èn reglads a moda clera. Fertant che la Polizia da la citad è responsabla per la prevenziun e la preschientscha al lieu è la Polizia chantunala responsabla per las incumbensas d'inquisiziun en cas d'infracziuns u d'enguladitschs. Il cuntegn da la campagna – impedir il meglier pussaivel tals crims – vegn purtada d'omadus corps da polizia. «La campagna mussa la buna collavuraziun dals dus corps», di il schef da la Polizia da la citad Andrea Deflorin. «Nus impedin infracziuns u enguladitschs e la polizia chantunala investighescha en cas da tals delicts». La Polizia da la citad metta il focus sin ils champs da la prevenziun, infurmaziun e preschientscha da la polizia al lieu. Quai cumpiglia er occurrenzas da la prevenziun cun spezialistas ed experts d'omadus corps che cusseglian e dattan tips davart in tema ad interessadas ed interessads.

La Polizia chantunala dal Grischun e la Polizia da la citad da Cuira sa legran sin in barat viv cun la populaziun er a chaschun da proximas acziuns da prevenziun.

Termins/agenda

2024

Planisaziun dals percurs da traffic 2024