La partiziun da commando e da traffic cumpiglia il sectur spezial traffic, il servetsch giuridic, ils servetschs da stab, il servetsch da planisaziun e partenaris sco er il servetsch myAbi.

Entaifer il sectur spezial traffic è l'administraziun da traffic responsabla per elavurar e per controllar multas disciplinaras da la polizia chantunala dal Grischun e da las vischnancas sco er per conceder permissiuns excepziunalas. La registratura da traffic elavura ils rapports davart accidents da traffic e fatgs penals da traffic e la tecnica da traffic dumondas da planisaziun, da signalisaziun e da segirezza. Plinavant maina il sectur spezial "traffic" ils centers da controlla dal traffic cun camiuns pesants ad Unterrealta ed a San Vittore.

Il servetsch giuridic cusseglia tut las collavuraturas e tut ils collavuraturs da la Polizia chantunala dal Grischun en dumondas dal dretg da polizia, tgira las instrucziuns da servetsch dal cumandant ed è responsabel per ils secturs da la protecziun da datas, da las proceduras da recurs e disciplinaras.

Entaifer ils servetschs da stab mainain nus ils projects ils pli impurtants sco er il management strategic da la direcziun. Nus manain il center da situaziun e d' infurmaziun sco er la chanzlia dal commando e garantin il sustegn directiv.

Il servetsch planisaziun e partenari maina la centrala operativa sco er il center da datas e furma la colliaziun cun las autras organisaziuns da glisch blaua. Qua è er la responsabladad per projects d'infrastructura.

Il sistem da process e da rapport da la polizia è central per la lavur da la polizia. Tut ils fatgs ch'èn colliads cun quai vegnan assistids dal servetsch da MyABI.

Aluis Candinas, schef da la partiziun da commando e da traffic