La partiziun Logistica e tecnica da la Polizia chantunala dal Grischun garantescha, che las resursas e las materialias vegnian messas a disposiziun en moda effizienta per sustegnair ils process centrals da la polizia, e quai observond strictamain la confurmitad reglamentara tar l'acquisiziun.

Nossas collavuraturas e noss collavuraturs lavuran davos las culissas per render disponibels e pronts a l'utilisaziun vehichels, plazzas da lavur ed equipament e per ch'ils sistems dad IT e da communicaziun funcziunian en moda irreproschabla. En stretga collavuraziun cun l'Uffizi da construcziun auta planisain e realisain nus projects da construcziun e coordinain il mantegniment dals edifizis.

Il sectur finanzas e controlling è responsabel per la planisaziun e per la budgetaziun dals meds finanzials che la polizia dovra per ademplir sias incumbensas. Nus manain la contabilitad da las finanzas e dal manaschi tenor las disposiziuns legalas e tenor ils princips dal rendaquint ordinari.

Direcziun Logistica e tecnica