La polizia regiunala da la polizia chantunala dal Grischun stat a disposiziun a la populaziun ed als giasts dal chantun sco element dal provediment da basa cun centers da la polizia, cun centers da traffic e cun centers da la polizia criminala. Nus essan cuntanschibels da tuttas uras per Vus sur la centrala d'acziun da la Polizia chantunala dal Grischun (numers d'urgenza 112 e 117) e stain a disposiziun a nossas basas durant las uras da biro per il contact persunal sco er al telefon.

La polizia regiunala sa preschenta essenzialmain sco element d' acziun en unifurma cun generalistas e generalists scolads. Nus essan responsabels per ils secturs spezials da la polizia da traffic, da la polizia criminala e da la plizia da segirezza e sviluppain nossa efficacitad tant a moda repressiva sco er preventiva per render segir il Grischun. Tar nossas incumbensas principalas tutgan registraziuns dals fatgs e d'accidents da traffic, l’investigaziun e las determinaziuns, la preschientscha mobila e visibla en l'entir spazi d'acziun, la cussegliaziun ed il sustegn sco er la direcziun d'organisaziuns d'acziun per dumagnar situaziuns spezialas ed extraordinarias. En quest connex collavurain nus stretgamain cun organisaziuns da partenadi sco pumpiers, sanitad, uffizi da construcziun bassa dal Grischun e bleras autras.

La polizia regiunala sa cumpona da quatter regiuns, divididas en las zonas territorialas da la Surselva, Rhein_Moesa, Grischun central ed Engiadina. Ella vegn manada d' in maun e la direcziun operativa en las regiuns è chaussa dals schefs da las regiuns.

Peter Joos, schef da la polizia regiunala

Link Noss domicil