Durant la festa da primavaira han la Polizia chantunala dal Grischun e la Polizia da la citad da Cuira realisà in'acziun cuminaivla per entrar en contact cun ils utschels da notg. En il rom d'ina campagna da la Prevenziun svizra da la criminalitad (PSC) avain nus dà tips da segirezza per ir en sortida.

Far festa, sautar, baiver e sa divertir da notg – ir en sortida e far experientschas tutga simplamain ensemen, surtut per la glieud giuvna. Cun la nova campagna èn la Polizia chantunala e la Polizia da la citad stadas ensemen sin viadi.

Guardar in da l'auter e far attenziun da las bavrondas èn aspects impurtants en sortida – gist tuttina sco organisar il viadi a chasa e na betg laschar enavos insatgi sulet. «Giai a chasa sin ina via illuminada ed evitai las giassas stgiras. Prendai ils meds da transport publics u in taxi», cusseglian ils polizists. La polizia ha distribuì als giuvenils alarms da giaglioffa, per ch'els possian sa far valair en situaziuns privlusas. En cas d'urgenza è la polizia cuntanschibla da tut temp sut il numer 117.

Link a la campagna PSC