In helicopter è crudà giu a l'ur dal guaud ed il guaud ha cumenzà ad arder. Pliras persunas en in auto han observà la crudada ed han vulì gidar al lieu. En il territori maltransibel è lur vehichel cupitgà e las persunas èn sa blessadas.
Quai è stà il scenari da l'exercizi dal 1. da fanadur. Envidà a l'exercizi aveva l'Armada svizra. Il scenari sa basava sin l'incendi da guaud dal 1985 sin il St. Luzisteig. Var 160 forzas d'acziun – particularmain da numerus corps da pumpiers – èn sa participadas a l'exercizi.
La Polizia chantunala dal Grischun ha surpiglià – sco er en il cas serius – la direcziun generala da l'acziun durant quest exercizi.
Immediat suenter che las forzas da salvament èn arrivadas al lieu d'acziun, han ellas fatg lur lavur.
En cooperaziun cun las organisaziuns da salvament, cun ils corps da pumpiers e cun las squadras d'helicopter han ins dumagnà il scenari. Var 90 giasts da la Svizra e da l'exteriur han mussà interess ed han persequità l'exercizi al lieu.