L'onn 2023 ha la polizia registrà totalmain 2400 accidents da traffic en il chantun Grischun. Tar 744 da quests accidents eran involvids animals selvadis, uschia che la surveglianza da chatscha è vegnida clamada vitiers. Plinavant ha la surveglianza da chatscha er realisà controllas da chatscha e da bulieus. Per contribuir a la segirezza da lavur da questas collavuraturas e da quests collavuraturs, ha la Polizia chantunala dal Grischun organisà e manà tras in di da furmaziun supplementara.
Avant che sa deditgar a la realisaziun pratica dal champ tematic «Controllas da vehichels e da persunas», hai dà ina part teoretica. La signalisaziun correcta è elementara per la segirezza a la lavur en connex cun in accident cun selvaschina e cun controllas.
A Favugn èn vegnidas realisadas las controllas da vehichels e da persunas. Las infurmaziuns da l'instructur èn vegnidas appreziadas e registradas ed alura resguardadas a chaschun da proximas controllas.
La registraziun electronica d'accidents cun selvaschina fan ils guardiaselvaschina cun agens laptops. In expert da la tecnica da traffic ha declerà, co ch'ils rapports èn d'emplenir en moda correcta.
Ils guardiaselvaschina vegnan mintgamai clamads da la centrala d'acziuns. Cun interess han ils participants tadlà las explicaziuns d'in maina-acziun che als ha infurmà davart la moda da lavurar e davart process en la centrala.