Mardi e mesemna, ils 2 e 3 da matg, han la Polizia alpina ed il Servetsch da sgol da la polizia fatg in trenament cuminaivel.
L'emprim di èn las participantas ed ils participants sa scuntrads sin il Pass dal Cunclas. Sin il program èn stadas cunzunt lecziuns teoreticas davart l'equipament dal helicopter, davart las disposiziuns da segirezza e davart il proceder dals transports. Il segund di han cumenzà ils exercizis pratics a Fidaz.
Il helicopter da la firma swisshelicopter SA vegn preparà per ils exercizis pratics a Fidaz.
Mintgina da las trais gruppas ha liquidà las differentas lezias sin ils trais posts d'exercizi. Quels han cumpiglià la tschertga d'ina persuna sparida, in accident da muntogna sin la senda da raiver Pinut sco er l'instrucziun da materials cun pensums pratics.
Exercizi pratic d'in accident da muntogna. Co procedan ins al lieu da l'accident e tge èsi tut da resguardar?
La Polizia alpina ed ils maina-acziun sgulants sin la senda da raiver Pinut. Ina descensiun stippa fin al lieu da l'accident.