Durant ils mais da stad ha la Polizia chantunala dal Grischun realisà ina seria cun rebus sin ses account da Facebook. Las respostas da la community èn stadas per part fitg creativas.

La seria è vegnida lantschada ils 11 da fanadur cun ina fotografia d'in auto da patruglia sin in'autostrada autramain vida. Il messadi ha cuntanschì passa 280 000 persunas.

Tranter ils pli che 300 commentaris hai dà tranter auter quests qua da tempra creativa: «Cursas dad 1/4 miglia per tuts cun la conferma d'ina sveltezza chantunala», «Per che propi mintgin haja la schanza da sa fermar curtamain en il Heidiland per mangiar là in bun rösti cun liongia da brassar & sosa da tschagulas» u «pista d'atterrar per in exercizi dad F/A 18». La meglra da las respostas betg dal tuttafatg seriusas è bain stada questa qua, versiun curta: «Dus aviuns crudads giu suenter ina collisiun cun in helicopter – il helicopter è crudà sin in camiun-cisterna plain – explosiun – omadus pilots sgolan cun ils paracrudada en il Lai da Turitg – sfunsaders da salvament als tschertgan – il pilot dal helicopter cun ses paracrudada è en il guaud – ina squadriglia da chauns da salvament al tschertga – tuts survivan sco per miracla».

Print Screen soluziun

Bleras da las respostas eran dentant pli seriusas e sa referivan per il pli ad ina serrada da l'autostrada pervia d'in transport spezial u pervia d'in accident. I deva glieud che sa regurdava anc da l'accident da traffic, pervia dal qual l'autostrada A13 era vegnida serrada.

Tscherna d'in pèr soluziuns da la seria da stad rebus ch'è vegnida terminada ils 4 da settember.

 

Segiramain han las lecturas ed ils lecturs survegnì ina u l'autra enconuschientscha dals rebus, numnadamain che la lavur da la polizia è fitg vasta e variada.