La Polizia chantunala dal Grischun ha extendì l'atun sia derasaziun cun ils chanals da medias socialas supplementars LinkedIn ed Instagram. Sin ils chanals d'enfin ussa Facebook e Twitter (da nov X) vegnan mussadas ad interim sco fin qua contribuziuns da la communicaziun en cas d'eveniments sco er ulteriuras contribuziuns selecziunadas. 

Da nov vegnan publitgadas sin LinkedIn principalmain campagnas da prevenziun e publicaziuns da plazzas. Sin Instagram vegnan dentant dadas – a maun da maletgs – invistas persunalas ed infurmativas davart la professiun da polizista u polizist sco er da l'entir mund da lavur da la Polizia chantunala dal Grischun. Cun quai duai vegnir rinforzada la confidenza en la lavur da la polizia sco er la vischinanza a la societad. 

L'account d'Instagram da la Polizia chantunala dal Grischun curt suenter il cumenzament.