La Polizia chantunala dal Grischun lavura dapi onns cun il scanning tridimensiunal, che permetta da crear models tridimensiunals realistics. Dapi il 2023 fan las collavuraturas ed ils collavuraturs da la Tecnica criminala diever da questa tecnologia cun agid da telefonins.

La tecnologia po vegnir applitgada fin ad ina distanza da 5 meters, e quai da di u da notg, en edifizis u al liber. Unicamain sch'i plova u naiva, è il diever pli difficil. La finamira è quella da documentar situaziuns variablas, per exempel d'objects u da persunas, u er la posiziun d'ina persuna en in vehichel. Las illustraziuns che vegnan pussibilitadas tras questa tecnica sustegnan ils giudicaments penals da las autoritads da persecuziun penala.