Mez schaner han ins prendì en funcziun il BMW iX xDrive50 sco emprim vehichel electric en in center da la polizia stradala. Cun 505 kilometers distanza charrabla da norma ademplescha il vehichel staziunà a Cuira in criteri impurtant, cunzunt per acziuns en territoris, nua che la polizia sto charrar distanzas pli lungas.
A sanestra in auto da patruglia che vegn remplazzà tras ses successur a dretga
Vehichels cun motors alternativs – il plan da reducziun dictescha la direcziun
En il rom d'in plan da reducziun chantunal èsi da reducir las emissiuns da CO2 dal parc da vehichels chantunal. Per cuntanscher questa finamira dovri vehichels cun motors alternativs. La Polizia chantunala dal Grischun dispona dapi l'onn 2020 da vehichels da servetsch cun quest tip da motor.
Il vehichel d'intervenziun survegn il design actual da la Polizia chantunala dal Grischun
Igl è d'ademplir pretensiuns multifaras
Vehichels d'intervenziun da la polizia ston ademplir tschertas pretensiuns che surpassan la norma. La tracziun a 4 rodas è obligatorica en il Grischun, ina buna relaziun tranter pretsch e prestaziun, avunda spazi e duraivladad èn ulteriurs criteris impurtants. Per intervenziuns cun sveltezzas pli autas èn indispensabels aspects sco ina stabilitad da charrar extraordinaria u ina capacitad d'accelerar suffizienta.
Ils pretschs d'acquisiziun per vehichels electrics èn circa sin il medem nivel sco quels per vehichels cun motor termic. Damai che la tecnica da motors è pli simpla tar vehichels electrics che tar vehichels cun motor termic, dovran quests motors pli pauc mantegniment.
Interiur fatg sin mesira