En il chantun Grischun èn las anteriuras 17 autoritads tutelaras da las vischnancas vegnidas remplazzadas per il 1. da schaner 2013 tras l'Autoritad per la protecziun d'uffants e da creschids (APUC) dal chantun. Il 1. da schaner 2022 è la structura organisatorica da la APUC vegnida adattada sin basa da las enconuschientschas ch'èn vegnidas fatgas en il fratemp. La APUC è ussa concepida sco autoritad chantunala unica cun filialas regiunalas. La APUC è anc adina attribuida sco autoritad administrativa al Departament da giustia, segirezza e sanadad dal Grischun (DGSS) e suttamessa organisatoricamain directamain al schef dal departament. La controlla giuridica vegn fatga da la Dretgira chantunala sco instanza da recurs.