Midada da datas

Sco possessura u possessur d'in permiss u document avais Vus – tenor lescha – l'obligaziun d'ans annunziar entaifer 14 dis eventualas midadas da las datas en il permiss u en il document.

Sch'igl ha dà tar Vus ina da las suandantas midadas, ans communitgai per plaschair quellas cun agiuntar ils documents menziunads:

Midada d'adressa (entaifer il chantun):

• permiss per emprender a manischar

• permiss da manischar, 1 fotografia da passaport actuala ed il formular "Emissiun da en nov permiss da manischar"
  Sche Vus avais gia in permiss da manischar en il format da carta da credit, n'ans stuais Vus betg pli inoltrar quel. Vus avais dentant vinavant l'obligaziun d'ans communitgar mintga midada da domicil entaifer 14 dis (communicaziun per telefon basta).

Midada dal num:

• permiss per emprender a manischar

• permiss da manischar, 1 fotografia da passaport actuala ed il formular "Emissiun da en nov permiss da manischar"
  Sche Vus avais gia in permiss da manischar en il format da carta da credit, ans stuais Vus inoltrar er quel ensemen cun il formular numnà. I n'è dentant betg necessari d'inoltrar ina fotografia.

• per tut ils permiss e documents duvrain nus ina fotocopia d'in document uffizial che cumprova la midada dal num (attest da lètg, sentenzia da divorzi, cudeschet da famiglia, passaport e.u.v.)

Midada da chantun:

• permiss per emprender a manischar

• permiss da manischar, 1 fotografia da passaport actuala ed il formular "Emissiun da en nov permiss da manischar"
  Sche Vus avais gia in permiss da manischar en il format da carta da credit, n'ans stuais Vus betg pli inoltrar quel. Vus avais dentant vinavant l'obligaziun d'ans communitgar mintga midada da domicil entaifer 14 dis (communicaziun per telefon basta).

• per tut ils permiss e documents ina fotocopia da la quittanza dals documents deponids u da l'attest da domicil da la nova vischnanca da domicil

Pers il permiss da manischar u il document dal vehichel

Avais Vus pers Voss permiss per emprender a manischar u Voss permiss da manischar? Alura stuais Vus laschar emetter in duplicat correspundent u – en cas dal permiss da manischar en il format da carta da credit – in nov exemplar.

Il formular correspundent ed infurmaziuns necessarias anflais qua.