A partir dal 1. d'avrigl 2024 n'èn chars da lavur cun ina sveltezza maximala fin 10 km/h betg pli suttamess ad in'obligaziun d'admissiun, sch'il possessur/impressari ha concludì per il vehichel pertutgà in'assicuranza da responsabladad. (Ordinaziun davart l'admissiun al traffic, Ordinaziun davart l'assicuranza da vehichels).

Uschia na dovran tals chars da lavur ni numers d'immatriculaziun ni in document dal vehichel. Ils numers d'immatriculaziun pon vegnir deponids tar l'Uffizi per il traffic sin via dal Grischun. Las taglias da traffic gia pajadas, vegnan restituidas a partir da la data da deposit fin la fin da l'onn current.

Natiralmain dastgan chars da lavur pertutgads er vinavant vegnir immatriculads da nov u restar en circulaziun. La prescripziun da montar davostiers la tavla cotschna da marcaziun ed il segn da sveltezza maximala resta, cun u senza immatriculaziun.