Il Geoportal è la plattafurma da publicaziun uffiziala dal chantun Grischun per geoinfurmaziuns en furma da geodatas, da chartas interactivas, da geoservertschs e da geofuncziuns.
Geodatas
Geodatas, da basa èn geodatas che sa basan sin in relasch legislativ da la Confederaziun, d'in chantun u d'ina vischnanca. Las cumpetenzas per eruir, actualisar ed administrar las geodatas da basa èn regladas en il catalog da geodatas da basa (guardar geobasisdaten.ch).
Las geodatas da basa ch'èn disponiblas en noss chantun figureschan sut https://katalog.geo.gr.ch e las geodatas da basa dal stgalim d'autorisaziun d'access A pon vegnir retratgas gratuitamain sur www.geogr.ch.
Chartas interactivas
Chartas interactivas epussibiliteschan da prender invista da las geodatas da basa tenor il model da preschentaziun dal post cumpetent. Entaifer il rom legal specific vegn in model da preschentaziun determinà tras il model da geodatas, tras las pretensiuns specificas e tras il stadi da la tecnica.
Sut map.geo.gr.ch chattais Vus pli che 100 chartas interactivas tar las pli differentas tematicas da noss chantun. Questas chartas pon vegnir mussadas e consultadas en moda interactiva en Voss browser.
Per ulteriuras tematicas stattan a disposiziun chartas prontas e stampablas en il format da PDF.
Geoservetschs
Geoservetschs èn webservices che rendan accessiblas las geodatas en moda simpla sur l'internet. Entaifer il rom legal specific vegn in model da preschentaziun determinà tras il model da geodatas, tras las pretensiuns specificas e tras il stadi da la tecnica. Nus purschain web map services (WMS), web feature services (WFS) e web processing services (WPS) tar las pli differentas tematicas.
Geofuncziuns
Geofuncziuns èn webtools che pussibiliteschan consultaziuns ed analisas localas davart ils pli differents temas, p. ex.:
- Consultar las proprietarias ed ils proprietaris da bains immobigliars.
- Eruir il profil d'autezza per lung d'ina lingia digitalisada.
- Consultar la cuvrida dal terren d'in bain immobigliar.
- Consultar las cundiziuns legalas sin la rait da vias chantunalas.
- Eruir il dumber d'edifizis e d'abitantas ed abitants en in territori digitalisà.
Links