La partiziun mesiraziun surveglia e maina la mesiraziun uffiziala (MU) en il chantun. Quella vegn realisada principalmain da biros da mesiraziun privats cun inschigners geometers. La MU cuntegna la registraziun, l'administraziun e l'actualisaziun dals cunfins da proprietad sco er d'ulteriuras infurmaziuns da basa areguard il territori sco l'infrastructura, la cuvrida dal terren ed ils nums da cultira. Ella furnescha la basa geometrica per endrizzar e per manar il register funsil federal per segirar la proprietad funsila ed ils dretgs ch'èn colliads cun quella. A medem temp è la MU l'unitad da datas che vegn utilisada il pli savens sco basa per autras datas da la geoinfurmaziun.