Cun contribuziuns da biodiversitad vegnan ils spazis da viver natirals per la fauna e flora indigena dal territori agricul e d'alpegiada revalitads, stgaffids da nov e colliads in cun l'auter. I vegnan pajads trais tips da contribuziuns. Las surfatschas da promoziun da la biodiversitad (SPB) survegnan contribuziuns per la qualitad (dus stgalims da qualitad) e contribuziuns per la colliaziun.
Stgalim da qualitad II
|
Contribuziuns dal stgalim QII vegnan pajadas, sche las surfatschas correspundan a las pretensiuns dal QI e cuntegnan supplementarmain ina qualitad botanica e/u structuras che promovan la biodiversitad. En connex cun la cussegliaziun da manaschis agriculs che vegn fatga en il rom dal project da colliaziun, vegnan las surfatschas registradas tras in biro ecologic. La durada da l'obligaziun importa 8 onns
|
Contribuziuns da colliaziun
|
Contribuziuns da colliaziun vegnan pajadas en il rom da projects da colliaziun. Mesiras da colliaziun vegnan realisadas dal biro ecologic cumpetent cun agid dals contracts da cultivaziun.
|
SPB per il territori d'alpegiada
|
Medemamain vegnan pajadas contribuziuns da biodiversitad per il territori d'alpegiada. Las uschenumnadas surfatschas verdas e da sternim cun ina ritgezza da las spezias ston vegnir registradas e giuditgadas d'in biro ecologic.
|
Tge cundiziuns da cultivaziun valan per las SPB QI e QII?
Ina buna survista da las pretensiuns chattais Vus en las directivas da l'AGRIDEA "Promoziun da la biodiversitad sin il menaschi puril". Quellas èn accessiblas sut formulars e documents.
Nua survegn jau las infurmaziuns davart mes objects da contract?
Sur agriGIS avais Vus da tut temp invista da Voss objects da contract registrads. Per dumondas davart objects da contract As infurmai per plaschair tar il biro ecologic cumpetent. Qua chattais Vus la glista, nua che tge biro ecologic è cumpetent.
Co poss jau annunziar mes manaschi d'alpegiada per contribuziuns da biodiversitad?
Faschai diever dal formular d'annunzia, il qual Vus chattais sut formulars e documents. Suenter che Vus avais inoltrà il formular, vegnan las surfatschas d'alpegiada cartadas tras in biro ecologic. Sche la qualitad botanica pretendida è avant maun, survegnis Vus anc il medem onn contribuziuns da biodiversitad.