La lavur da manaschis agriculs – d'ina vart la cultivaziun dals ers e dals prads e da l'autra vart ils edifizis ed ils implants, nua ch'i resultan u vegnan deponids ladims natirals – na dastga betg periclitar las auas.

Per ils manaschis cun dretg da survegnir pajaments directs en il chantun Grischun è il UAG cumpetent per exequir la protecziun da las auas en l'agricultura. Questa execuziun ha lieu en stretga collavuraziun cun il post spezialisà chantunal per la protecziun da las auas, vul dir l'Uffizi per la natira e l'ambient (UNA). Ils detagls davart la protecziun da las auas pon vegnir consultads en l'agid d'execuziun chantunal Protecziun da las auas en l'agricultura dal Grischun  ed en  l'agid d'execuziun Construcziuns ruralas e protecziun da l'ambient dal UFAM.