Las midadas dal chau d'alp ston vegnir annunziadas ad uras ed en scrit, per che la nova persuna responsabla haja access a temp a la banca da datas davart il traffic d'animals via Agate.

Las contribuziuns d'alpegiada vegnan pajadas sin basa d'in dumber d'animals normal. Per l'adattaziun dal dumber d'animals normal sto vegnir fatga ina dumonda en scrit. Per nursas d'alp sto ina midada planisada da la categoria da contribuziuns vegnir annunziada avant l'alpegiada.

Tut las dumondas e propostas da mutaziun ston mintgamai vegnir inoltradas fin ils 30 d'avrigl da l'onn current.

Per tge motivs po il dumber d'animals normal vegnir adattà?

• La petenta u il petent inoltrescha in plan da gestiun che giustifitgescha in dumber pli grond.

• La proporziun tranter las nursas ed ils auters animals vegn midada.

• Pli grondas mutaziuns da surfatschas.

Fin cura ston ins inoltrar dumondas per adattaziuns dal dumber d'animals normal?

La dumonda sto vegnir fatga en scrit fin la fin d'avrigl da l'onn respectiv.

En tge furma ston ins annunziar ina midada da chau d'alp?

Adina en scrit (e-mail a: soemmerung@alg.gr.ch). Inditgai per plaschair adina il numer dal manaschi.

Pervia da pensiunament surdun jau mes manaschi da chasa. Vegn questa midada fatga automaticamain er tar mia "alp privata"?

Na. Per l'alp ston ins annunziar la midada supplementarmain. Ultra da quai na datti nagina limita da vegliadetgna per ils pajaments da contribuziuns en il territori d'alpegiada.