Tar las singulas meglieraziuns tutgan mesiras d'access per singuls bains purils, per manaschis d'alp e per pastgiras sco er mesiras da restabiliment suenter donns da malaura. Averturas da basa cun aua ed electricitad sco er conducts da latg e pendicularas da material èn ulteriuras mesiras che pon vegnir sustegnidas cun contribuziuns. Drenaschas, sauaziuns e revalitaziuns dal terren gidan a meglierar la bilantscha d'aua e la structura dal terren. La revalitaziun da la natira e da la cuntrada ha per exempel lieu tras renatiralisaziuns, tras revitalisar auas currentas e cun plantar saivs vivas en cumbinaziun cun ina mesira agricula.