Meglieraziuns generalas vegnan fatgas en il chantun Grischun dapi la fin dal 19avel tschientaner. Oriundamain duevan ellas facilitar la lavur agricula sco er gidar a gudagnar ed a mantegnair cultira, per garantir ch'i dettia avunda victualias. Meglieraziuns generalas modernas servan oz al mantegniment, a la concepziun ed a la promoziun dal territori rural. Meglieraziuns generalas cumpiglian mesiras da planisaziun (p.ex. arrundaziuns dal terren u arrundaziuns da terren fittà), mesiras da construcziun (construcziun da vias champestras, indrizs da sauar e. u. v.) e mesiras per proteger sco er per tgirar surfatschas ed elements ch'èn da gronda valur ecologica.