L'analitica da victualias s'occupa da l'utilisaziun e dal svilup da metodas analiticas per determinar en moda qualitativa e quantitativa substanzas cuntegnidas, substanzas aditivas e restanzas en las victualias. Las datas da las analisas èn la basa per valitar la qualitad da victualias, lur segirezza ed uschia er la protecziun da la consumenta e dal consument cunter ristgas sanitaras.
Quai concerna las suandantas analisas:
- cumposiziun, decleraziun
- qualitad igienica
- substanzas nutritivas (albumin, idrats carbonics, grass, aua, valur nutritiva)
- cumponentas nudritivas (vitamins e substanzas mineralas)
- substanzas aditivas (pigments, meds da conservar, antitoxidants, emulgaturs)
- sals spezials, spessifitgants, meds da schelifitgar, stabilisaturs, meds per rinforzar l'aroma, meds per far vegnir asch, regulaturs d'acid, meds per zavrar/meds cunter la furmaziun da gnocs, amet modifitgà
- saccarins, levons, meds ch'impedeschan stgima, meds per glasuras, meds per tractar la farina, meds per rinforzar, meds per tegnair umid, meds per emplenir, gas propulsivs, enzims