Tar la gruppa dals objects da diever che vegnan survegliads da la lescha federala davart victualias ed objects da diever tutga in vast spectrum d'objects d'emprima necessitad. Uschia na dastgan p.ex. ils objects che vegnan duvrads per la producziun u per l'emabllagi da victualias betg contaminar las victualias.
Ulteriurs differents objects da diever (p.ex. cosmetica, vestgadira, cliniez e.u.v.) han pli ditg contact cun la pel. Qua vuless ins che quests objects na dettian betg giu substanzas nungiavischadas, sco p.ex nichel, che po tut tenor las circumstanzas provocar allergias.
La suandanta glista mussa quant vasta che la gurppa dals objects da diever è:

• objects da diever che han contact cun las victualias (p.ex. padellas d'arom, recipients da victualias, cellofan, vaider u email, different material d'emballagi e.u.v.)
• cosmetica
• objects che han contact cun la pel-mucosa, cun la pel u cun ils chavels (p.ex vestgadira, cliniez, peruccas, barschun da dents, pusadas, pezs)
• objects da diever per uffants (p.ex. giugarets, objects per poppins e per uffants pitschens)
• colurs, utensils per dissegnar e per picturar
• buttiglias da gas cumprimì (vapurisaders)
• chandailas e zulprins
• artitgels da tschaiver