Il territori d'inspecziun dal chantun Grischun è repartì en 6 circuls da controlla. Mintga controlladra e controllader da victualias è cumpetenta u cumpetent per in territori parzial. Las controllas en circa 4000 manaschis (restaurants, producents da victualias, ospitals, provediments cun aua da baiver e.u.v.) vegnan adina fatgas professiunalmain. La qualitad da las inspecziuns è correspundentamain auta. L'interval da las inspecziuns variescha da pliras giadas l'onn ad ina inspecziun entaifer quatter onns. Las controlladras ed ils controlladers vegnan sustegnids da dus inspecturs da vicutalias che liquideschan er incumbensas specificas ed administrativas.

En connex cun l'inspecziun vegnan giuditgads ils suandants puncts:

• l'igiena
• il stadi da construcziun dal manaschi
• andaments da process e d'activitads
• il concept da l'autocontrolla
• la caracterisaziun correcta da products primars, da products mez finids e da products finids